لە پەرلەمانی كوردستان وۆركشۆپێك لە بارەی سیستەمی حوكمڕنی بەرێوەچوو

22/04/2018 11:19:00 ص

ئەمڕۆ 22/4/2018، بە ئامادەبوونی دكتۆر جەعفەر ئیبراهیم ئێمینكی جێگری سەرۆكی پەرلەمانی كوردستان و خاتوو بێگەرد تاڵەبانی سكرتێری پەرلەمان، وۆركشۆپێك بە ناوونیشانی" داڕشتنەوەی سیستەم و پەیكەری حوكمڕانی چارەسەری خۆماڵی بۆ كێشەی خۆماڵی" ، كە بە هەماهەنگی نێوان ئینستتیۆتی MERI و سەنتەری توێژینەوە لە پەرلەمانی كوردستان رێكخرابوو، بەرێوەچوو.

لە سەرەتای وۆركشۆپەكە، جێگری سەرۆكی پەرلەمانی كوردستان، بە ناوی سەرۆكایەتی پەرلەمانی كوردستانە، سوپاسی ئینستتیۆتی MERI كرد بۆ ئەنجامدانی ئەم وۆركشۆپە و بە هەنگاوێكی گرنگ وەسفكرد بۆ پێداچوونەوە بە سیستەمی حوكمڕانی لە هەرێمی كوردستان. دواتر دكتۆر دلاوەر عەلائەددین سەرۆكی ئینستتیۆتی MERI بەشی یەكەمی  وۆركشۆپەكە پێشكەشكرد كە بریتیبوو لە گفتوگۆ لەسەر پرەسیپ و ئامانجە سەرەكییەكانی پێداچوونەوەی سیستەمی حوكمڕانی و دەستوور ویاسا و حكومەت و پەرلەمان و دەسەڵاتی دادوەری و دەسەڵات و میكانیزمی چاودێری. و دوای پێشكەشكردنی پرزنتێشنێك لە سەر ئەم بابەتانە لە لایەن دكتۆر دلاوەر عەلائەددینەوە، دەرگای گفتوگۆ كرایەوە و ئامادەبووان ڕاو بۆچوون و تێبینییەكانیان خستەڕوو.


رۆژمێرى رووداوه‌كان