روونكردنەوەیەك لە نووسینگەی جێگری سەرۆكی پەرلەمانی كوردستانەوە سەبارەت بە لێدوانی پەرلەمانتار "رابوون مەعرووف" بو كەناڵی ئێن ئار تی لە شەوی ۳٠/۱/۲٠۱۷

31/10/2017 09:16:00 ص

دیارە پەرلەمانتار "رابوون مەعرووف" سوورە لەسەر چەواشەكاری و شێواندنی راستییەكان، كە ئەو راستییانە ئەوەندە زەق و ئاشكران و لەبەرچاوی پەخشی راستەوخۆ و سەدان كەس و فراكسیۆنی جیاواز روویانداوە و بەكەس ناشاردرێنەوە.

  دیارە ئەو پەرلەمانتارە پلانێكی پێشوەختەی هەبووە و بەهاوكاری كەناڵی ئێن ئار تی بۆ ئەوەی دانیشتنەكەی پەرلەمان بشێوێنن و پشێوی دروستبكەن و بەمەبەستی لێدان لە سەنگ و قورسایی مێژوویی نامەی جەنابی سەرۆك مەسعود بارزانی كە ئاراستەی پەرلەمانی كردبوو و بڕیابوو لە دانیشتنەكەدا بخوێندرێتەوە.

ئەو پەرلەمانتارە كە بچووكترین وشە لەسەر پەیامەكە و یاساكە نەبوو لەناو هۆڵی پەرلەمان، بەڵكو بۆ موزایەدەكردن هۆڵی پەرلەمانی جێهێشت و بۆ چەواشەكاری پەنای بردە بەر پەخشی راستەوخۆ لە دەرەوەی هۆڵی پەرلەمان وسووكایەتی بە پیرۆزیی پێشمەرگە و فەرماندەكانی پێشمەرگەی كرد، كە لەم چوار ساڵەی رابردوودا لە سەنگەرەكانی جەنگی دژی داعش و حەشدی شەعبی بە سەدان شەهید و برینداریان داوە.

  ئێمە لە كاتێكدا ئەو كردەوە قیزەونانە و نامەسئوولانەی پەرلەمانتار "رابوون مەعرووف" شەرمەزار دەكەین، تەئكیدیش دەكەینەوە كە ئەو تۆمەتانەی خڕاونەتەوە پاڵ نووسینگەی جێگر ئەسڵ و ئەساسی نییەو بۆ ئەو مەبەستەش سەرۆكی زۆربەی فراكسیۆنەكانی پەرلەمان شایەتحاڵن، هەروەها پەخشی راستەوخۆی كەناڵی رووداو لە نوسینگەی جێگر ئەو شەوە، ئەو بوختانە بە تەواوی پوچەڵ دەكات. دیسان پەرلەمان لەسەر كۆی ئەو سەرپێچییانە و بەپێی یاسا و رێكارەكانی پەیڕەوی ناوخۆی پەرلەمان هەنگاوی یاسایی پێویست دەگرێتەبەر چونكە هەڵوێستی ئەم پەرلەمانتارە ئاسایشی هەرێمی كوردستانی تێكدا.

 

نووسینگەی جێگری سەرۆكی پەرلەمانی كوردستان

31/10/2017

 

 



رۆژمێرى رووداوه‌كان

<كانون الثاني 2018>
سأاثأخج
303112345
6789101112
13141516171819
20212223242526
272829303112
3456789