جێگری سەرۆكی پەرلەمانی كوردستان جەژنی سەری ساڵی ئێزدی پیرۆزدەكات

18/04/2017 08:03:00 م

بەبۆنەی جەژنی سەری ساڵی ئێزدی، گەرمترین و جوانترین پیرۆزبایی ئاراستەی خوشك و برایانی كوردی ئێزدی لە كوردستان و جیهان دەكەین. ئۆمێدەوارین هەموو ساڵێكیان جەژن و خۆشی بێت لە سایەی ئاشتی و ئارامی و دوور لە مەینەت و ناخۆشی و ئەم جەژنە ببێتە مایەی ئاسوودەیی و خۆشگوزەرانی بۆ سەرجەم پێكهاتەكانی كوردستان .

بە درێژایی مێژوو، كوردانی ئێزدی وەكو سیمبولی بەرخودان، بەرگریی لە  رەسەنایەتی خۆیان كردووەتەوە  و دوژمنانی كوردستان نەیانتوانیوە ئیرادەی ئەم پێكهاتە رەسەنەی كوردستان تێكبشكێنن، باشترین بەڵگەش بۆ ئەم راستییە، بەرخودان و قوربانیدانی خوشك و برایانی ئێزدی بووە لە كاتی هێرشی تیرۆریستانی داعش بۆ سەر كوردستان، كە بینیمان چۆن بەرگریان لە خاكی پیرۆزی كوردستانیان كرد و قەبارەی قوربانیدانیان لەم پێناوەدا چەند بووە. هیوادارین چیتر دووچاری مەینەت و كارەسات نەبنەوەو بە ئازادی و سەرفرازی جەژنە پیرۆزەكانیان بەسەربەرن.

دووبارە ئەم جەژنە لە خوشك و برایانی ئێزدی پیرۆزدەكەین.

 

 

دكتۆر جەعفەر ئیبراهیم ئێمینكی

جێگری سەرۆكی پەرلەمانی كوردستان


رۆژمێرى رووداوه‌كان

په‌خشى راسته‌خۆ