بەرێزان سكرتێر و ئەندامانی مەكتەبی سكرتاریەت و كادیرانی یەكێتی قوتابیانی كوردستان

بەرێزان سكرتێر و ئەندامانی مەكتەبی سكرتاریەت و كادیرانی یەكێتی لاوانی دیموكراتی كوردستان

   لە بیرەوەری " 64 " ەمین ساڵەی دامەزراندنی یەكێتی قوتابیانی كوردستان و یەكێتی لاوانی دیموكراتی كوردستان، گەرمترین و جوانترین پیرۆزبایی ئاراستەی ئێوەی بەرێز و سەرجەم ئەندام و لایەنگرانی هەردوو  رێكخراوە تێكۆشەرەكەتان دەكەین.

   بێگۆمان، دامەزراندنی ئەم هەردوو  رێكخراوە لە ساڵی 1953 دا بۆ حیكمەت و بیرتیژی بارزانی نەمر دەگەرێتەوە، وەك زەروورەتێكی میژوویی لە پێناو كۆكردنەوەی قوتابیان و لاوان و پەرەپێدانی كاری رێكخراوەییدا.

   خەبات و قوربانیدان وگیانفیدایی نەپساوی قوتابیان وەك سەری رم و لاوانیش وەك شوورەی پۆڵایین لە سەنگەرەكانی كوردایەتیدا، بە پیتی زێرین لە مێژووی بزافی رزگاریخوازی گەلی كوردستاندا تۆماركراوە.

   مایەی شانازیشە ئەو دوو رێكخراوە بەسەدان سەركردە و كادیری ژیر و بەتوانا پێگەیاندووە، هەروەها رۆلێكی كاریگەر و راستەوخۆشی بینیوە لە داڕشتنی سیاسەت و بەرێوەبردندا.

   پەرلەمانی كوردستانیش لەسۆنگەی بروای بەمافە پیشەیی و دیموكراسییەكانی خەباتی رێكخراوەیی بەگشتی و قوتابیان و لاوان بەتایبەتی، لەدانیشتنی 19/9/1999 دا بڕیاری ژمارە (10)ی پەسەندكرد، كە رۆژی 18ی شوباتی هەموو سالێكی بە رۆژی قوتابیان و لاوان ناوزەدكرد.

   ئەمرۆش كە ساڵیادی دامەزراندنی ئەم دوو رێكخراوە بەرز رادەگرین، دیارە هەرێمی كوردستان بەرەو قۆناغێكی تر دەڕوات و ناوچەكە بەگشتی لەهەلومەرجێكی سەخت و هەستیاردا تێدەپەرێت، بەتایبەتیش كە هێزی پێشمەرگە لەبڕی جیهانی ئازاد و دیموكراتدا سەركەوتنێكی گەورەیان لە جەنگی دژی تیرۆریستانی داعشدا تۆماركرد و هەردوو رێكخراوە تێكۆشەرەكەتان رۆڵێكی یەكجار زۆریان بینی لەم سەركەوتنەدا، كە جێگەی رێز و شانازی میللەتەكەمان و سەرجەم جیهانی ئازادە، هەروەها خەباتی ئێوەی خۆشەویست لە ئاست هەموو بەرپرسیاریەتییەكاندا دیار و بەرچاوە.

جارێكی تر پیرۆزباییتان لێدەكەین و هیوای سەركەوتنتان بۆ دەخوازین.

دكتۆر جەعفەر ئیبراهیم ئێمینكی

جێگری سەرۆكی پەرلەمانی كوردستان